👉 अंगावर चामखीळ आहे? फिकर नॉट ‘अशी करा नाहीशी

👉 अंगावर चामखीळ आहे? फिकर नॉट ‘अशी करा नाहीशी

चामखीळ हा प्रकार आपल्या सर्वांना माहिती आहे. त्वचेच्या पृष्ठभागावर वाढलेले लहान व खडबडीत अर्बुद म्हणजे चामखीळ. आपण त्याला ‘मोस’ असेही म्हणतो. स्कीन ट्यूमरच्या नावाने देखील हा ओळखला जातो. शरीरातील ह्यूमन पापिल्लोमा व्हायरसमुळे अंगावर मोस येतात. जे शरिरासाठी धोकादायक नसतात पण शरिराची सुंदरता खराब करतात.

चामखीळ नाहीशी करण्यासाठी अनेक जण वेगवेगळे प्रयोग करतात. काहींना यश येत तर काहींना अपयश. मात्र अनेकदा प्रयोग महागात पडतात व त्याचे दुष्परिणाम शरीरावर दिसून येतात. म्हणूनच चामखीळ कशी नाहीशी करायची याबद्दल आज आपण जाणून घेणार आहोत.

👉 लिंबाचा रस : 

लिंबाचा रस चामखीळच्या जागेवर लावल्याने याची समस्या दूर होते. कापसाने लिंबूचा रस चामखिळीवर लावा आणि त्यावर कापूस तसाच ठेवून द्या.

👉 बटाट्याचा रस: 

बटाट्याचा रस किंवा बटाटा बारीक करुन चामखीळच्या जागी लावल्याने चामखीळ हळूहळू कमी होण्यास मदत होते.

👉 अननसाचा रस:

चामखीळपासून सुटका मिळण्यासाठी तुम्ही अननस रस, फ्लॉवर रस, कांद्याचा रस आणि मध वापरु शकता. कारण या सगळ्यांमध्ये चामखीळला नाहीसा करण्यासाठीचे एन्जाईम्स असतात.

👉 लसूण: 

                

लसणाचे सेवन अनेक समस्यांपासून लांब राहण्यासाठी महत्त्वाचे आहे. सुंदरतेसाठी देखील लसूण तेवढाच फायदेशीर आहे. लसणाच्या पाकळ्या चामखीळवर घासा किंवा त्याची पेस्ट लावा. असे केल्यास काही दिवसात तुम्हाला फरक जाणवेल.

👉 सफरचंदाचे व्हिनेगर:

चामखीळच्या समस्या मुळापासून नाहीशी करण्यासाठी हा अधिक फायदेशीर उपाय आहे. रोज कमीत कमी 3 वेळा कापसाने चामखीळीवर हे व्हिनेगार लावा आणि कापूस त्यावर लावून ठेवा. काही दिवसानंतर चामखिळीचा रंग बदलेल आणि तो सुखत जाईल. या शिवाय तुम्ही अॅलोविराचं जेल देखील लावू शकतात.

👉 बेकिंग सोडा: 

चांगल्या त्वचेसाठी फायदेशीर असलेला बेकिंग सोडा चामखीळवर देखील फायदेशीर आहे. बेकिंग सोडा ऐरंडीच्या तेलामध्ये टाकून पेस्ट तयार करा आणि चामखीळीवर ती पेस्ट लावा. काही दिवसांमध्ये तुम्हाला फरक दिसेल.

Source:- Let's up magazine.