👉 जागतिक एड्स दिवस; सतर्क रहा, सुरक्षित रहा

👉 जागतिक एड्स दिवस; सतर्क रहा, सुरक्षित रहा

1 डिसेंबर म्हणजेच जागतिक एड्स दिवस. या पार्श्वभूमीवर या आजाराबद्दल जनजागृती करण्याकरिता आणि एड्सग्रस्त व्यक्तींना समाजातून वेगळे न टाकता समाजाचा एक भाग बनवून घेण्याकरिता हा दिवस संपूर्ण जगभर साजरा केला जातो.

👉 एड्स म्हणजे काय?

एड्स हा एक गंभीर आजार आहे. AIDS(Acquired Immune Deficiency Syndrome) एड्स म्हणजे एचआयव्ही जिवाणूंचा संसर्ग होणे. एच.आय.व्ही. संसर्गापासून एड्स होईपर्यंत 8 ते 10 वर्षांपेक्षाही अधिक काळ लागू शकतो. एचआयव्ही बाधित असण्याच्या शेवटच्या स्टेजमध्ये रुग्णाच्या शरीरातील रोगप्रतिकारक शक्ती कमी होते त्याला एड्स असे म्हणतात.



👉 एचआयव्ही आणि एड्स मध्ये फरक काय?

एचआयव्ही जिवाणूंचा संसर्ग झाल्याने रोग्याची प्रतिकारशक्ती कमी होत जाते. याला एचआयव्ही बाधीत असणे असे म्हणतात. तर एड्स ही एचआयव्ही लागण झाल्यानंतरची शेवटची स्टेज आहे. तोपर्यंत रोग्याच्या संपुर्ण शरीरामध्ये जीवाणू पसरल्याने त्यांचे एडस या भयकंर रोगात रुपांतर झालेले असते.

👉 एचआयव्हीची लागण कशी होते?

एचआयव्ही बाधीत व्यक्ती असलेल्याशी असुरक्षित लैंगिक संबंध, दूषित रक्त चढवल्याने, संसर्गित आईकडून अर्भकाला, बाधित आईकडून स्तनपान करणार्‍या मुलाला, दूषित सुईतून, त्वचेवरील जखमेतून दुस-या निरोगी व्यक्तीला हा संसर्ग होण्याची शक्यता असते.

👉 एचआयव्हीची लागण झाल्याचे लक्षणे?

एचआयव्हीची लक्षणे प्रत्येक व्यक्तीनुसार निरनिराळी असू शकतात. सुरुवातीला अशा व्यक्तींमध्ये ताप, डोकेदुखी, घसा खवखवणे अशी लक्षणे आढळतात. ही लक्षणे रुग्णामध्ये पहिल्या आठवड्यात दिसतात. नंतर पुढे ओरल ट्रश, महिलांमध्ये व्हर्जायनल इनफेक्शन, डायरिया, त्वचेवर रॅशेस येणे, वजन कमी होणे, गुप्तांगांमध्ये फोड येणे, नाकपुड्यांमध्ये सूज येणे ही लक्षणे दिसू लागतात.

👉 एचआयव्ही टाळण्यासाठी?

एकापेक्षा अधिक व्यक्तींबरोबर लैंगिक संबंध टाळा I लैंगिक संबंधाच्यावेळी कंडोमचा वापर करा, असुरक्षित यौनसंबंध टाळा I जर तुम्ही एच.आय.व्ही. ने संक्रमित असाल तर रक्तदान करू नका I रक्त चढवण्यापूर्वी ते एच.आय.व्ही.मुक्त आहे याची खात्री करून घ्या I इंजेक्शन घेताना प्रत्येक वेळी नवीन सुईचा वापर करा I लग्न ठरल्यानंतर पत्रिकेआधी एचआयव्ही टेस्ट करा.